التعريف العلمى للفلول

 لا يوجد تعريف العلمى للفلول يعنى مثلا مش مكتوب علي وشهم احنا فلول و لا احنا نتمتع بقدر كاف من نفاق و متلاقيش عندنا امانة و لا هما طوال و لا قصرين من اخر بشر عادين لكن عندهم قدرات بيتفوقوا فيها علي غيرهم زى النفاق و قلة الضمير او انعدامه تقريبا و ضيف علي كدة كتير مميزاتهم الفلولية لا تحتاج لتوضيح ..............و لو دورت في الكتب مش هتلاقي حاجة اسمها فلول اصلا يعنى التعامل مع الكائنات الضالة دى محتاج ذكاء و لازم تعرف انهم متفوقين علي نفسهم سواء في الكدب او التمثيل و منهم مصطفي البقري الرجل المعارضة الاول في مصر و الوطن العربي و رجل مصر الاول ..............تاريخه حافل في معارضة علي المخلوع لدرجة انه من كتر معارضته كان بيركب طيارته الخاصة و كان بيروح التحرير يقنع الناس انها ترجع و في عز ما كان الناس بتموت في موقعة الجمل كان طالع في الجزيرة يشتم في البرادعى ...............و تزعم هو و مجموعة من السياسين رامى لكح و البدوى و مايكل نبيل و شلة دى  جبهة و كان رايحين يتفاضوا مع عمر سليمان ..............كان رجل التليفزيون المصري لم يفارقه في اسوء اللحظات او افضلها يجيد العزف علي جميع الاوتار مرة مع مبارك و مرة مع المجلس العسكرى يتباهى بحماية المجلس العسكرى للثورة و لا ادرى صراحة ان كان يقصد الثورة بتاعتنا و لا الثورة تانية المضادة يعنى ...............و هكذا و انا شخصيا لا يمكن ان انسي ولعى بهذا المنافق و اتذكر له جيدا وقفته البطولية مع المخلوع في وقت حرب غزة في 2008 سواء هو او مجموعة الخبراء العسكرين بقيادة سامح سيف الهبل ضدد مجموعة من عزل اللي ضرب من عند العدو و بابا مقفول من عند قرايب و وقتها اقنعنا بان الفلسطنين جاءوا لسيناء كوطن بديل و لا انسي اساطيره التاريخية عن الفوضي الخلاقة و انزلاق بالبلد الي حافة الهاوية و اموت و اعرف اية الهاوية دى ؟؟؟؟؟؟؟؟ و كدة كفاية علي البقرى اووووى و من الحاجات اللي بتستفزنى جداا هو ترشيح لواءات الداخلية للانتخابات مجلس الشعب زى اللواء عبدالوهاب خليل او اللواء سابقا و الحاج عادل عبدالمقصود حاليا رئيس حزب الاصالة و لا ادرى فعلا ربنا هيريحنا من كفاءات الداخلية و الحربية و نستريح من لواءات دوول امتى مهو لو كانوا فلحوا في حفظ الامن و غيره او في ادارة المحافظات لما مسكوها كنا قلنا ماشي لكن دوول بيطلعوا معاش و يرجعولنا تانى ...................و اخيراا لااجد تعريف شافي للفلول فهم ليسوا فقط نواب الحزب الواطى بل هم هؤلاء المنافقين الذين شاركوا في مسرحية المعارضة و اقاموا احزاب كارتونية لتايد ديمقراطية المخلوع امثال ناجى الشهابي  و حزب الجيل و رفعت السعيد و التجمع ....................و لواءات الجيش و الداخلية انا اعتبرهم فلول لانهم وجودهم وجود امنى و استرتيجى للحماية امن النظام لا للبناء و خلافة ................فلوووووووووول

دخلت الكلية ..............................اززززززززززز

دخلت الكلية و دة عالم جديد يستحق مئات المدونات و الاف تويتات و مليون ستيتوس من بتوع الفيس عالم مختلف جداا مجموعة من ناس كل اللي جمعهم مجموع ثانوية العامة و مواد دراسية و دكاترة و معيدين مطلعين عنيهم ...............انا كليتى في الشيخ زايد و انا ساكنة في المعادى يعنى بقضي يومى علي المحور و الدائري و اكتشفت ان مصر فيها صحرا كتير اووى ...............

غنى ........................اهداء الي شلة العسكر و المنافقين و الي اى حد يستاهل الكلام دة

 غنى و قولي هتغنى علي مين .....
اصل احنا يعنى غلابة و ناس دوول طيبين
غنى يا كبير و قول مرة دول عملاه و مرة دول مندثين
غنى و فهمنى اصول الضحك علي مواطنين
مرة تقول هدير و مش هحكم و مرة تقول احنا مصرين
مرة تقول رفضت اضربكوا و مرة تقول انتوا قابضين
مرة تضحكنا علي هبلنا و مرة تبكينا علي اخواتنا
غنى و هتلاقي منافقين كتير يردوا عليك الكدبة باتنين
قولي هدارى دم مينا باية ؟؟دة دم محمد لسة في ايديك
سليمة اية انسي  دى ماتت بين ايديك
مرة في محاكمة عسكرية و مرة مع دبابة الصبح نتصور معاه
و اخر نهار نتصور جنبها ميتين
اصلحنا سيادتك جاين مستبيعين و طالبين حقوق بقالها سنين
اصل احنا تعبنا من قولت امين
بس مزهقناش من مظاهرة نزلنها بردوا سليمين
بتقول للناس ان خوف بقي حكمة و فرض الامن بقوة
طيب هقولك ان الثورة اصلها فكرها و اللي عملوها لسة عايشين

حوار مع مواطنة شريفة

قاعدة عاادى جداا بتغدى مع مواطنة من شرفاء مصر من بتوع الاستقرار و هى قريبتى و انا اللي بايدى محمرة الكبدة البانية و عاملة المكرونة و السلطة ...........و عاادى بنتكلم لغاية لما جيت سيرة الخناقة اللي حصلت عندهم في اول رمضان و قعدت تتكلم عن اهمية قانون الطوارىء و عين صحافين الكدبين اللي قالوا ان المشير راجل الطيب كدب و قالت كلام يااه بتاع اللي يخاف من الطوارىء يا صحفي كداب يا بلطجى ..............و عندما حاولت اقناع المواطنة الشريفة بكلام اللي مقتنعة بيه قالتلي انتى لسة صغيرة و مش فاهمة حاجة و حد
 لاعب فى دماغك جامد و بكرة لما تخرجى تعرفى ان البلد محتاجة ايد من حديد و كله ياخد علي دماغه و اخذت تستشهد باحداث السفارة الاسرائيلية و السعودية و ان المصرين اصلاشحاتين و مش غلطة السعودية  و قتها ادخلت ماما لفض الاشتباك و حاولت ترجع كل واحد منا لحدود طبقه و بصراحة كنت جعانة و حتت همى كله في الكبدة و المكرونة .....................و لكن بعد حوارى مع مواطنة الشريفة اللي هى قريبتى في اساس اكتشفت ان شعب تويتر يحيا في عالم منفرداا بذاته و ان هناك من بتحرك سريعا ليكسب ارضية بين ناس من خلال برامج توك الشو و نسيت في سردى لتفاصيل الحوار انسي انى اقولكوا ان من اهم الحاجات اللي مقتنعة بيها مواطنة الشريفة برنامج بتاع قناة الحياة اللي طلع فيه اساتذة غير محترمين و اكدوا ان الطوارىء لم تلغي و ان اللي يقول كدة يبقي كداب و ان لولا الطوارىء لخربت مصر و قالتلي مواطنةالشريفة عندما اكدت لها ان قانون الطوارىء اتلغي موجب الاعلان الدستورى يوم 30 سبتمبر اوعى تقولي كدة قدام حد لحسن يكون بلطجى و لا حاجة و قالتلي ان البلد محتاجة الطوارىء و محتاجة العسكر و يقعدوا كمان و فيها اية ................وكأن المصري من غير حكم العسكر و قانون الطوارىء من غير هدوم و لا حاجة ؟؟؟ لكن المهم ان المخلوع كان ترس من تروس الفساد و المصنع الفساد شغال نار و عمال يدى منتجاته للناس و كأن شيء لم يكن .........و دى قصة مع مواطنة شريفة (موضوع انها مواطنة شريفة دة مش تعريفي دة تعريف التليفزيون المصري و بيانات المجلس العسكرى )

علي فكرة انت غبي .................انا ..............ايوة انت

باعلي صوتى لازم اقول انه غبي و انا مش هقول اسمه مش خوف منه لانه صاحب السلطة  لا انا مش هقول اسمه لانه غبي فاكر ان اللي عمل الثورة مات و لا جبناه يومين سلف و رجعناه اصل الحكاية تبدا ان مخلوع ثار الشعب عليه استذكى و جاب اصحابه يمسكونا و قالوا احنا اللي حمنا الثورة ........... سمعه حد بيقولي حموها بليفة و صابون يعنى و احد تاني بيرد قالوه لالا حموها لما وقفوا وقت موقعة الجمل علي الحياد و فتحوا الطريق للبلطجية حموها لما كرهوا الشعب في عيشته و في الثورة حموها لما سجنوا 12000 مدنى و لما عقبوا ضباط 8 ابريل علشان بيحبوا مصر ...............اخس علينا شعب بينسي فعلا حموها بدم علي ماهر و حموها بدم محمد محسن حموها بعرق ناس اللي وقفوا جمعة و لا جمعة عايزين العيش و الحرية و العدالة و القصاص ................ ازمتنا مع صحبنا الغبي انه غبي مش بيتعلم من المخلوع المخلوع فضل يعاند و يكابر لغاية لما ثار الشعب  و خلعه علي الرغم من اننا شعب متعود علي الفراعنة اصلا ................اخر نداء لصاحبنا الغبي لم يعد في وقت بقية و دماء المصرين تتساقط من يدك كفاية غباء و اعمل جدول تمشي عليه او سيبها طالما مش عارف سيبها ...............و انت غبي بردوا

لماذا يسقط حكم العسكر ؟؟؟؟؟؟؟؟؟؟

1. 
   

بداية ليس لدى اى مشاكل مع الجيش المصري و هو فوق راسي من فوق و يكيفيه فخرا انه الوحيد اللي  انتصر علي اسرائيل يعنى مفيش جدال جيش بتاعنا و البلد بلدنا لكن المجلس العسكرى مش تباعنا و مش عايزينه طالما هيمشي اللي في دماغه الموضوع يبدا ان من 1952 و احنابتتحكم حكم عسكر منذ قيام ضباط الاحرار بعزل الملك و في بداية تعاطف الشعب معاهم و بعدين قلبوا التربيزة علي الديمقراطية و الحرية و رفضوا دستور 1954 اللي بيقلل سلطات العسكر و رئيس الجمهورية و اقالوا محمد نجيب و افتكر ان احنا فضلنا فترة منعرفش ان كان فيه رئيس قبل جمال عبدالناصر و دة لانى عندى 18 سنة و محرضتش الفترة دى و بعد كدة اساء عبد الناصر اختيار من حوله فظهرت فضايح كتير زى فضيحة مخابرات و استغلال المصريات و فضيحة المعتقلات و خلي عبد الحكيم عامر يمسك الدفاع و مكنش عنده خبرة الكافية من اخر كانت التولية لاصحاب الثقة لا اصحاب الخبرة و لبس الشعب في الحيط و ضاعت سيناء و جاءت نكسة 67 لتنهى احلام الثورة الوردية و بدلا من ان يلقي عبد الناصر اسرائيل في بحر القي بثورة و العدالة الاجتماعية و الحرية من الشباك و كل واحد دلوقتى هيقلي ايه دة حراام عليكى مهو كان نزيهة و كان محترم ماشي عند كوا حق لكن كان بايده ان يحرمنا شرف رؤية امثال مبارك كان من ممكن ان يحرمنا شرف ثورة 25 يناير ...............ليس في امكان افضل ما كان و خلينا في حالنا دلوقتى و تتابع حكام العسكر علي مصر و كانوا بيلزقوا علي كرسي ( زى ما يكونوا اتحرقواعلي نار ولا كلور نافع و لا ميه نار حتى ) و من السادات صاحب نظرية الطائفية في تفريق الشعب و اللي حل مجلس الشعب النزيهة مرورا بتشجيعه للجماعات الاسلامية علي انتشار و التوغل لغاية لما مات علي ايدهم و صولا بالرئيس المصري اللي خد لقب المخلوع  كان للعسكر لوءات و غيره و بالتالي العسكر كانوا وزراء و محافظين و رؤساء و غيره و لم ينجح منهم احد و لما حولنا نضحك علي بعض و نقول ان العسكر حموا الثورة  اكدوا لينا يوم ورا يوم انهم بيحموا فساد مبارك من يوم اعتقالات و محاكمات عسكرية و محاكمة مايكل نبيل الوحيد اللي طلع فاهم فينا مرورا بضباط 8 ابريل و لا يمكن ان نغفل له تعديلات الدستورية و الاستفتاء اللي فكك فيها ميدان و القوى  اللي شاركت فيه و خلي الاسلامين يتنفخوا اوووى بشكل غريب و يركبوا و يفتكروا انهم الدين و  بدانا نغير شعارنا من الاجندات و كنتاكى لعجلة الانتاج و الاستقرار من اخر المجلس مش بتاعنا ولا تباعنا دة تبع مبارك و يخصه هو و بمعنى اخر هو اللي جابه و مش لازم ننسي ان المجلس ضرب في الشعب ايوة و عذب الناس بدليل اللي حصل في المتحف المصري و كفاية طريقة فض اعتصام 8 يوليو و المشير اللي طلع مبارك بريء و تمديد قانون طوارىء و الانتخابات اللي محدش عارف امتى و لا فين .................................................................اخيرا يسقط حكم العسكر و لو هتقولي الانتخابات و استنى هقولك يبقي علي الاقل يعملوا خطة نمشي عليها و يعاقبوا المخطىء و دة مستحيل يبقي يمشوا و هما خدوا فرص كتير و شحنهم خلص و شكراا و للحرية اثمان كثيرة

تعالوا نكسر حظر النشر و نمد حبل نشر و نعرف وصلنا فين ...................................

من منطلق ان مفيش حاجة اسمها حظر بعد الثورة و ان العسكر نفذ رصيدهم كلنا ايد واحدة و دة الحوار التاريخي في محاكمة المخلوع و نقلا عن عديد من الصفحات و المدونات و عن الاستاذ محمد الجارحى ربنا يخليه دة كلام المشير و حسبي الله و نعم الوكيل  س١ : حصل اجتماع يوم 22 يناير، هل ورد إلي رئيس الجمهورية السابق ما دار في هذا الاجتماع وما أسفر عنه وما كان مردوده ؟

ج1 : الاجتماع كان برئاسة رئيس الوزراء واعتقد أننه بلغ

س2 : بداية من أحداث 25 يناير وحتي 11 فبراير هل تم اجتماع بينك وبين الرئيس السابق حسني مبارك ؟

ج2 : ليست اجتماعات مباشرة ولكن يوم 28 يناير لما أخذنا الأمر من السيد رئيس الجمهورية كان هناك اتصالات بيني وبين السيد الرئيس ؟معلش يعنى ازااى البلد بتولع و فيه عناصر خارجية مندسة و اسرائيل علي حدود و اجندات و المخلوع ما كنش بيقعد مع وزير الدفاع ؟؟؟؟

س3: ما الذي أبداه رئيس الجمهورية في هذه اللقاءءات ؟

ج3: اللقاءات بيننا كانت تتم لمعرفة موقف القوات المسلحة خاصة يوم 28 وعندما كلفت القوات المسلحة للنزول للبلد ومساعدة الشرطة لتنفيذ مهامها  كان هناك تخطيط مسبق للقوات المسلحة وهذا التخطيط يهدف لنزول القوات المسلحة مع الشرطة وهذه الخطة تتدرب عليها القوات المسلحة، القوات المسلحة بتنزل لما الشرطة بتكون محتاجة المساعدة وعدم قدرتها علي تنفيذ مهامها وأعطي الرئيس الأمر لقائدوهى الشرطة كانت فين اصلا نازلين تتعاونوا مع مين هى مش انسحبت ؟؟؟؟

القوات المسلحة  اللي هي نزول القوات المسلحة لتأمين المنشآت الحيوية وهذا ما حدث

س 4 هل وجه رئيس الجمهورية السابق المتهم محمد حسني مبارك أوامر إلي وزير الداخلية حبيب العادلي باستعمال قوات الشرطة القوة ضد المتظاهرين بما فيها استخدام الاسلحة الخرطوش والنارية من 25 يناير حتي 28 يناير ؟؟

ج4 : ليس لدي معلومات عن هذا واعتقد ان هذا لم يحدث طالما حضرتك لا تعتقد ان دة يحصل اللي ماتوا ماتوا ازااى و لا انتحروا مثلا

س5 : هل ترك رئيس الجمهورية السابق للمتهمين المذكورين من أساليب لمواجهة الموقف ؟ 

ج5 : ليس لدي معلومات

س6: هل ورد أو وصل إلي علم سيادتك معلومات أو تقارير عن كيفية معاملة رجال الشرطة ؟

ج6 : هذا ما يخص الشرطة وتدريبها ولكني أعلم ان فض المظاهرات بدون استخدام النيران طالما حضرتك لا تعلم شيء عن الشرطة ازااى تعرف ان المظاهرات بتتفض بالقوة و لا باللين و لا هو اية بالضبط ؟؟ظ

س7 : هل رصدت الجهات المعنية بالقوات المسلحة وجود قناصة استعانت بها قوات الشرطة في الأحداث التي جرت؟

ج7 : ليس لدي معلومات

س8 : تبين من التحقيقات إصابة ووفاة العديد من المتظاهرين بطلقات خرطوش أحدثت إصابات ووفيات..هل وصل ذلك الأمر لعلم سيادتك وبم تفسر ؟

ج8: إنا معنديش معلومات بكده.. الاحتمالات كتير لكن مفيش معلومة عندي يعنى ممكن يبقوا بلطجية  او انتحروا او عربيات داست عليهم بالصدفة و الاحتمالات كتيررررر

س9 : هل تعد قوات الشرطة بمفردها هي المسئولة دون غيرها عن إحداث إصابات ووفيات بعض المتظاهرين ؟ 

ج9 : إنا معرفش ايه اللي حصل حضرتك متعرفش لكن العالم كله شهد ان في مصريين هيموتوا علشان الحرية ممكن تسال العالم اية اللي حصل 

س10 : هل تستطيع سيادتك تحديد هل كانت هناك عناصر أخري تدخلت ؟ 

ج10 : هيا معلومات غير مؤكدة بس اعتقد ان هناك عناصر تدخلت

س11 : وما هي تلك العناصر ؟ 

ج11 : ممكن تكون عناصر خارجة عن القانون خارجة ولا داخلة علي القانون 

س12 : هل ورد لمعلومات سيادتك ان هناك عناصر اجنبية قد تدخلت ؟ 

ج12 : ليس لدي معلومات مؤكدة ولكن ده احتمال موجود

س13 : وعلي وجه العموم هل يتدخل الرئيس وفقا لسلطته في ان يحافظ علي أمن وسلامة الوطن في إصدار أوامر أو تكليفات في كيفية التعامل ؟

 ج13 : رئيس الجمهورية ممكن يكون أصدر أوامر - طبعا من حقه ولكن كل شئ له تقييده المسبق وكل واحد عارف مهامه

س14 : ولمن يصدر رئيس الجمهورية علي وجه العموم هذه الأوامر ؟

ج 14 : التكليفات معروف مين ينفذها ولكن من الممكن ان رئيس الجمهورية يعطي تكليفات مفيش شك

س15 : وهل يجب قطعا علي من تلقي أمر تنفيذه مهما كانت العواقب ؟

ج15 : طبعا يتم النقاش والمنفذ يتناقش مع رئيس الجمهورية وإذا كانت الأوامر 

      . مصيرية لازم يناقشه مصير مين بالضبط مصير جيمى و لا مصير الشعب تفرق كتير  ....

س16: هل يعد رئيس الجمهورية السابق المتهم محمد حسني مبارك مسئول مسئولية مباشرة أو منفردة مع من نفذ أمر التعامل مع ألمتظاهرين 

الصادر منه شخصيا

ج16 : إذا كان أصدر هذا الأمر وهو التعامل باستخدام النيران أنا اعتقد ان المسئولية تكون مشتركة وأنا معرفش ان كان أعطي هذا الأمر أم لا

س17: وهل تعلم ان رئيس الجمهورية السابق كان علي علم من مصادره بقتل المتظاهرين ؟ ج17: يسأل في ذلك مساعديه الذين ابلغوه هل هو علي علم أم لا طيب و هل حضرتك مبلغتووش دة سؤال بريء 

س18: وهل تعلم سيادتكم ان رئيس الجمهورية السابق قد تدخل بأي صورة كانت لوقف نزيف المصابين ؟

ا

ج18 : اعتقد انه تدخل وأعطي قرار بالتحقيق فيما حدث وعملية القتل وطلب تقرير وهذه معلومات اعتقد ان لو كان فيه تحقيقات مكنش كلام حضرتك هيبقي معنديش  معلومات و فيه احتمالات كتير و كدة

س19: هل تستطيع علي سبيل القطع والجزم واليقين تحديد مدي مسئولية رئيس الجمهورية السابق عن التداعيات التي أدت إلي إصابة وقتل المتظاهرين ؟

ج19 : هذه مسئولية جهات التحقيق

س20: هل يحق وفقا لخبرة سيادتكم ان يتخذ وزير الداخلية وعلي وجه العموم ما يراه هو منفردا من اجراءات ووسائل وخطط لمواجهة ؟التظاهرات دون العرض علي رئيس الجمهورية ؟ 

ج20: اتخاذ الاجراءات تكون مخططة ومعروف لدي الكل في وزارة الداخلية ولكن في جميع الحالات يعطيه خبر بما يخص المظاهرات ولكن التظاهر وفضه - يتبع

ج٢٠-2 : ولكن التظاهر وفضه هي خطة وتدريب موجود في وزارة الداخلية اكييد طبعا سلخانة الداخلية عندهم اوامرهم و خططهم 

س21 : وهل اتخذ حبيب العادلي قرار مواجهة التظاهر بما نجم عنه من إصابات ووفيات بمفرده بمساعدة المتهمين الاخرين في الدعوى المنظورة - يتبع
س٢١-2 : وذلك من منظور ما وصل لعلم سيادتك ؟ ج 21 : معنديش علم بذلك
س22 : علي فرض إذا ما وصلك تداعيات التظاهرات يوم 28 يناير إلي استخدام قوات الشرطة آليات مثل اطلاق مقذوفات نارية أو استخدام السيارت لدهس -يتبع
س22-2 : سيارات لدهس المتظاهرين..هل كان أمر استعمالها يصدر من حبيب العادلى يصدر من حبيب العادلى ومساعديه بمفردهم ؟
ج 22 : ما أقدرش أحدد اللي حصل أيه ولكن ممكن هو اللى اتخذها وأنا ما أعرفش واللى اتخذها مسئول عنها
س23-2 : بمختلف قواتها أو أنه لم يوجه إلى الأول سمة أوامر أو تعليمات بشأن التعامل والغرض أنه هو الموكل إليه شئون مصر والحفاظ على أمنها ؟
ج23 : أنا ما أعرفش اللى حصل أيه لكن أعتقد إن وزير الداخلية بيبلغ وممكن ما يكونش مش عارف بس أنا ما أعرفش اعتقد ان الشعب هو اللي عارف كل حاجة
س24 : هل هناك اصابات أو وفيات لضباط الجيش ؟ ج 24 : نعم هناك شهداء طيب و دول ماتوا ازااى و لا  بردوا محدش يعرف ؟؟؟
س25 : هل تعاون وزير الداخلية مع القوات المسلحة لتأمين المظاهرات ؟ ج 25 : لأ اكييد لا المظاهرات مشاماكن حيوية و لا سفارة علشان تتامن و اللي يخرجوا فيها ما يضربوش
س26 : هل أبلغت بفقد ذخائر خاصة بالقوات المسلحة؟ ج26: مفيش حاجة ضاعت لكن هناك بعض الخسائر في المعدات واتصلحت ومفيش مشكلة
س27: هل أبلغت بدخول عناصر من حماس أو حزب الله عبر الأنفاق أو غيرها لإحداث إضرابات ؟
ج27 : هذا الموضوع لم يحدث أثناء المظاهرات واحنا بنقاوم الموضوع ده واللي بنكتشفه بندمره وإذا كان فيه حد محول لمحكمة فهذا ليس أثناء المظاهرات
س28: هل تم القبض على عناصر أجنبية في ميدان التحرير وتم إحالتهم للنيابة العسكرية ؟ ج28: لا ..لم يتم القاء القبض على أى أحد امال الاجندات الخارجية و كشاكيل الورق و حاجات دى فين ؟؟؟
س29: فى الاجتماع الذي تم يوم 20 يناير هل تم اتخاذ قرار بقطع الاتصالات؟ ج29 : لم يحدث
س30: بعض اللواءات قالوا طلب منا فض المظاهرات بالقوة..هل طلب من القوات المسلحة التدخل لذلك ؟
ج30: أنا قلت فى كلية الشرطة في تخريج الدفعة إن أنا بأقول للتاريخ إن أي أحد من القوات المسلحة لن يستخدم النيران ضد الشعب لكن ممكن يحوله للمحاكمات العسكرية 
اخييراا دى كانت اقوال المشير و هى للتاريخ و حتى يعلم كلا منا من الجانى و من الجناه و من حامى الثورة و من الفلول و اللي بيحكم و مش بيدير و لا بيخرب و مش هامه ................................................شكراا يا مشير

هو يعنى اية ثورة اصلا ....................

انا فعلا مش عارفة يعنى اية ثورة و ممكن ابقي قرية كلمتين في السياسة و لا حتى عندى حماس زيادة لكن بجد انا شايفة ان المشكلة الحقيقية موجودة في ان كل واحد عنده تعريف لحب الوطن و تعريف للثورة و تعريف اللبرالية و كل حاجة ليها تعريف في دماغ واحد فينا هو ممكن يبقي فعلا الاختلاف رحمة و لولا تعدد الاذواق لبارت السلع ماشي الكلام دة جميل لكن بردوا يعنى اية ثورة ...................طيب الثورة في نظرى انا و معرفش ان كان الكلام دة صح و لا هيخرب البلد و كدة لكن انا عندى احساس دفين و حس بوليسي زى بتاع كورمبو ان كلامى الي حد كبير صح ثورة تغير شامل في كل حاجة و اى حاجة تغير من اجل حياة افضل حرية و عيش و عدالة اجتماعية الثورة انى عايزة اقوول اللي في بالي حتى و لو ضدد راى اللي ساقين البلد ..........عايزة امشي في الشارع من غير ما لاقي حد بيبصلي بقرف لانى محجبة و لا بسة بنطلون جينز عايزة لما اتجوز ما اتجوز واحد و خلاص و لو حتى قعدت باحترامى في بيتنا محدش يقول علي عنست الثورة يعنى انى لما اتجوز و اخلف اودى ولادى مدارس حكومة مش مدرسة خاصة زى انا ما روحت الثورة يعنى لما ولادى يكبروا ميقفوش في وشي و يقوللي سبتى حقك و حقنا ليه ؟؟؟ عملتى لمستقبلنا اية حبة فلوس في البنك ....طز حال البلد كله قرف  هتعمل اية حبة فلوس الثورة انى لما اعزم ناس كتير و اضطر اجيب عيش من الفرن بتاع الحكومة و مكرهش نفسي و اكره الناس اللي جايين ياكلوا لانى بقالي ساعة وقفة و لما حتى اجيب العيش يبقي نضيف و لا هو دة كتير الثورة انى اروح انتخب و انى لما اروح اختار اللي يخدمنى مش اللي من دينى و لا اللي بيدنى فلوس و زيت و  سكر ...............الثورة انى احاكم زى ما بتحاكم يعنى لما الوزير يغلط يتعاقب مقلش لا دى هيبة الدولة ...............الثورة احلام و امال الثورة هى الحلم القادر علي توحيد العرب كلهم بلا ملوك و طغاة بلا فتن بلا ..............هم .........و علي فكرة للثورة تعريفات اخرى كما لها اسماء اخرى ...............

التجنيد الاجبارى .....................تابع

تكمله لكلامى السابق عن التجنيد الاجبارى  الذى تقوم به الانظمة المستبدة كلامى دلوقتى عن الوزارات الثلاث التعليم الداخلية الاعلام ...........لا ينكر احد الدور المحورى و الفارق الذى يلعبه العلم في تاريخ الشعوب القلم اداة راقية و سلمية جداا يرتجف الطغاة دوما من تعليم شعوبهم لذا تجدهم يرددون العبارة الشهيرة  (وزارة لا يتولها سوى المحنكين سياسا ) و الله نفسي اعرف مين دوول المحنكين سياسا و ازااى اجيب مهندس اخليه يبقي وزير للتعليم و لا محامى و خبير دستورى في وضع قوانين للتوريث كوزير للتعليم المهم ان هذة الوزارة اصبحت مهمتها افساد التعليم نشر الجهل و توطين و تثبيت بذور الفتن الطائفية في مصر فمثلا و من غير زعل نفسي اعرف اية الضرورة الملحة لاخراج الطلبة المسيحين من الفصل و لمهم في غرفة الاشغال و لا حتى اننا نسيبهم في الدور بره الفصل من هنا بتبدا الفتنة في نفوس الاطفال الابرياء الذين لا يفقهون الفرق بين الاديان لا يعلمون سوى انهم اطفال و لا يدركون حسابات الكبار المعقدة و ليس هذا فحسب بل هذة الوزارة تمهد لخلق جيل من المعقدين نفسيا و تعالي نبدا الموضوع من الاول طالب في الثانوية العامة مجبش مجموع او اتظلم في نظام فاشل و دخل كلية تربية و لقي نفسه فجاة مدرس لاطفال في عمر الزهور هيتشكلوا علي ايده و لا يمكن ان نغفل ابداا ان تدريس كريزما و موهبة خاصة و اكييد طبعا بياخد مرتب ميجبش حاجة طبيعى جداا انه يضرب و يهين الاطفال ويسمم الورود الصغيرة لما تتروى علي ايد فلاح مظلوم لا يقدم له احد شيء حتى يقدم هو لغيره اى شيء ..............و قد يتحول الطفل من مهندس او دكتور او فنان او رسام ل انسان معقد او فاشل او مواطن سلبي او .........تخيل انت و اسوء شيء انك تتخيل ان الطفل الصغير دة بينسي او حتى مش هتاثر فيه المواقف الصغيرة دى لكن في الواقع الاطفال عمرهم ابداا ما ينسوا ما ينالوه علي ايدى الكبار ................و لا يمكن لاحد ان يغفل الدور الاسطوري اللي بتقوم بيه الثانوية العامة في الهاء الشعب حيث يذكر دائما انها مادة خصبة للشعب و برامج توك شوز للحديث عنها و اغفال قضايا هامة اخرى و بالتالي يا فرحة الحاكم الظالم  عنده وزراة عسل يلهى بيها الشعب .....................و طبعا وزراة الاعلام دى وزراة الاغلي للظالم يقدر من خلال اى حد قواد ممكن نصاب مفيش مانع تافه او مسف حتى متفرقش لكن الاهم ان يطوع كل شيء لخدمة النظام الفاشي و هنا يتحول المعارض لخاين او كافر ( و دة في الدول الثيوقراط زى ايران ) و ممكن ممول و طبعا وصلات التمجيد و الثناء علي الاكفاء من ابناء النظام الحاكم و اكييد طبعا لازم تبقي فيه معارضة لكن هتبقي محسوبة  يعنى معرضين علي خفيف  و في الاصل منافقين كبار و اكييد التليفزيون الرسمي هيبقي مكان دائم و بيت كريم لكل  المتلونين و طبيعي ان المعارضة الحقيقة تختفي تماما و حتى ممكن متلقهاش علي القنوات الخاصة لان لو نظام سمح بوجود هذة القنوات هتبقي بحساب دقيق  و لا يمكن ابداا و احنا بنتكلم عن الاعلام ننسي الاسفاف و التفاهة و انفاق الاموال الشعب الغلبان علي مجموعة من نجوم البلاستيك الذين لا يصلحون ان يحدثوا انفسهم امام المراه او في الحمام حتى مش يطلعوا و يبقوا نجوم المجتمع  و هكذا  ................حتى يرضي الحاكم غروره لازم يطلب من الاعلام انه يعمله بطل و قاهر للاعداء اللي هما اصلا اصحابه و مع اول مشكلة تلاقي التليفزيون شغل مسلسلات الوطنية و الافلام التاريخية و يحول اى انتصار تاريخي حتى و لو كان من ايام الهكسوس يرجع ليه او يمكن لجدوده ..............الداخلية خلقت هذة الوزارة في الاساس لنشر الامن للمواطنين و حماية الامن الداخلي لكن هى خلقت هكذا و استخدمت هكذا ...............و هكذا دة يساوى ان تكون مخصصة لخدمة النظام و اعوانه  يعنى الشرطة دورها انها تقف في التشريفات الهانم و البيه ليل و نهار دورهم ان يزوروا الناس في بيوتم و يعملوا تقارير في الشعب ..................

التجنيد الاجبارى

 مش بس الشباب هما اللي بيتجندوا في الجيش لكن الفساد و نظام الشمولي و الديكتاتورية و ( اشتم براحتك ) فى نظام مبارك و العسكر كمان مهو من منطقية اننا نبقي عارفين ان اصلا مبارك عسكرى و ان انقلاب او ثورة 1952 ركب العسكر فوق البلد المهم ان حتى يتم تقنين الفساد و يصبح من مفردات الحياة كان لازم يتم تجنيد بعض العناصر الاساسية و هم في نظرى الاعلام و التعليم و الداخلية و الاهم الدين في خلال نظام العسكرى اللي احنا بنعيش فيه نجح العسكر او رؤساء مصر علي تتابع ناصر السادات مبارك في تجنيد الاربع العناصر ببراعة حتى تحول حلم المواطن انه يدخل الجنة و ان المسيحى عليه ان يلزم الكنيسة و مسلمين احسن لا دول المسحين اصحاب الارض و هكذا لعب الدين في مصر دور محورى في اعطاء الشعب مسكنات ضدد الفساد و جرعات مكثفة من من المضاد الحيوى الاشهر لكل اباطرة الفساد و هو الهاء الناس و تشتيت تفكيرهم في قضايا انتهت من زمان  و كان لازم نعرف كويس ان حرية الاعلام كانت يقتضي وجود سلبيات جبارة تجعل نظام المخلوع يبقي علي هذة الحرية فلا ينكر احد دور قنوات الدينية مسلمة او مسيحية في خلق قضايا فرعية احتلت ببراعة صدارة المشهد في مصر و مثال الاوضح انك تمشي في الشارع تلاقي ان النقاب ازداد بشكل ملحوظ و تجد ان السيدات اكتفوا بغطاء للوجه و تركوا مافي القلب في القلب دون الاهتمام بتحسين الشخصية تجد ان حكم علي الاشخاص اصبح بمظاهر فقط يعنى اللي مش محجبة تبقي ملهاش في الدين و اللي محجبة او لابسة نقاب تبقي ملاك كلامى ليس هجوم علي النقاب او هجوم علي الدين لان الدين اكبر كثيرا من مراة قررت ارتداء النقاب او رجل دين و هناك طائفة من الشيوخ قرروا ان يملئوا عقول المصرين بقضايا فقهية انتهت من القرون الاولي من الاسلام بل و اعادة اثارتها في عقول المواطنين لتشغل اهتمامهم و لا يمكن ان نغفل هؤلاء الشيوخ الذين يملئون السمع و البصر الان علي الرغم من انهم كانوا في اساس يسبون الثورة و يحرمون الخروج علي الحاكم و يدعون له علي منابر المساجد بل و ينضمون لحزبه و يجندون الازهر لخدمة افكار المخلوع و نظامه و يجب ان نتذكر التاريخ جيداا و نتذكر الشيخ الجليل العز بن عبد السلام الذى رفض الدعاء لحاكم دمشق لانه تعاون مع الفرنج وقتها ضد المسلمين و نتذكر الحسين و ال بيت رسول الله الذين استشهدوا في سبيل كلمة الحق و رفضوا توريث الحكم فهل بيننا اليوم العز بن عبد السلام او الحسين ؟؟؟؟؟؟؟؟؟؟؟؟؟؟ و من اجل الانصاف يجب ان نذكر جيداا دور الكنيسة المصرية التى ساندت نظام المخلوع بكل ما اوتت من قوة و وافقت علي التوريث بل و حرصت علي دعوة المسحين لرفض الخروج في 25 يناير لكن الاصل في مصري انه مصري و بالتالي في وقت الجد خرج مصرين و لم يلتفت المسلم لكلام العلامة فلان او فضيلة علان كما لم يلتفت المسيحى لقداسة او نيافة الانبا و الكل خرج و اتذكر جيدا بعض الاباء الكهنة ممن تركوا المسحية و تفرغوا لتفسير القران و تهدئة الجو العام بين المصرين و اعتقد ان احد الاشياء الهامة لاستكمال مسيرة الثورة هو ان يتولي زمام الامور في الكنيسة و الازهر و دار الافتاء رجال هذة المرحلة  ممن يكونوا منزهين عن النفاق و الخوف من الحاكم و هؤلاء اشباة الرجال الذين لخصوا الدين في الجنة و النار و اغفلوا ان الدين معاملة و حتى لا اكون متعصبة لازم اقول ان هناك رجال يستحقوا لقب مناضلين ضد اباطرة الفساد امثال القرضاوى الذى كان يحرض الناس علي خروج ضدد مبارك و القذافي و بشار حتى و لو صمت علي القاعدة العسكرية الامريكية فى قطر و نظراا لجهلي لا اعلم اسماء من رجال دين مسيحى يكونوا ثاروا ضدد سياسة الكنيسة في عزل المسحين عن وطنهم و رضوخ لفساد مبارك و فساد مبارك و لكن اكييد يوجد شرفاء من هذا النوع ................................

عزيزى المخرب ..............عملت ثورة عايز اية تانى ؟؟؟؟؟؟؟؟

بقولك اية بقي قانون الطوارىء هيطبق كتكوا القرف خنقتونا سبونا نعيش بتحب مصر ابنيها مش تقولي اعتصامات و مظاهرات بس متقوليش اعرف اية السبب مش عايز اعرف ميهمنيش شغلك تعملوا وبس ...........................علم يا عزيزى و لكن لن ينفذ دة مش راى فلول و لا حاجة دة راى ناس بتقول ان الثورة عجبها فعلا اعتقد ان الازمة في شيء واحد ان الثورة و التغير حلم بيهم مجموعة من الاحرار هؤلاء من قاموا بالثورة لانى مقتنعة ان الثورة معملهاش الشعب كله و هو مش مطالب بكدة لان من الطبيعى ان تكون فيه مجموعة هى من تقود التغير ولا  حتى عملها العسكر اقولك و لا سندوها كمان يلا هو موته و لا اكتر و بالتالي الناس لم تكن مستعدة للثورة في الاساس و علي الرغم من الفساد المستشري من اول الميه اللي بنغسل بيها وشنا الصبح لغاية اى حاجة ممكن تتصورها الا ان الناس كانوا راضين بجيمى و منتظرين عاجلا او اجلا تولي جيمى الحكم ................الازمة هنا ان مجموعة الاحرار عايزة تكمل الثورة لان مفيش ثورة في العالم بتخلص في 18 يوم اما بقي الباقي عايز يستقر او يعيش حياته كما كانت لا و كمان عايز تغيرات فورية و قد تجد من هؤلاء من يذهب ليعتصم في شغله ....... اعتقد ان مبارك لا نظام العسكر كله من 1952 الي هذة اللحظة اللي احنا فيها ( و ربنا بس اللي عارف هنخلص من حكم العسكر امتى ؟ ) اقام اركان دولته ليس فقط بالداخلية او بوهم الاستعمار اللي هو اصلا متحالف معاه لا دة كمان جند التعليم و الدين و الاعلام لكى يؤسس دولة ليس فقط في الواقع بل في عقول هؤلاء و هؤلاء علي فكرة دوول اخوى و ابوى و مامتك و مش بعيد يبقي صاحبك يعنى مش ناس جاية من بلد تانية و بالتالي احنا قدام حلين اولهم التصادم بين الاستقرارين و الاحرار و اخرهم ان كل واحد يسيب تانى يحب البلد زى ماهو عايز و دة ارحم كتير

حتى لا ننسي .................

حتى لا ننسي مذبحة صبرا و شتيلا لازم نعرف التاريخ

ابتسم اولا ..............

عندما تجلس مع نفسك و يكون التشاؤم قد اصبح صديقك في هذة اللحظة ارجوك اتبع هذة الخطوات (حتى لو هتخدنى علي قد عقلي جرب ) اطلب اى حاجة تشربها و قعد كدة و شوف التليفزيون و مش هقولك قناة محترمة لا يا عم خليك في التليفزيون مبارك سابقا و المجلس العسكرى و يسمى خطأ التلفيزيون الرسمى و شوف مبارك بعد ما كان قائدنا بقي السابق و المخلوع حتى لو كان المذيع بيقولها من تحت ضرسه لكن افرح انت و لو اول مرة يا مصري بتغير بايدك شوف المحاكمات في التليفزيون بردوا و هتلاقي سرور و رفاقه من شلة الفاسدين و القواد و معهم من كانوا يصدعونا بخلافات تافه من اجل اشغال راي العام زى عمنا مرتضي منصور و في لحظة دى اثق انك هترجع لورا و تشرب عصير و تبتسم لانك انت من ساهمت حتى و لو بلايك علي الفيس او ريتويت لمظاهرة محضرتهاش حتى ان كان هذا اضعف الايمان طبعا الوسواس التشاؤمى الفلولي هيقولك ( عملت اية يا فالح بكرة كلهم يخدوا براءة و لا شهود يطلعوهم كانوا ملائكة ترفرف علي مصر ) رد بسرعة علي الشيطان دة و قلوا انك ولو اول مرة من 1919 تخرج و تقول بجد انا هنا انا المصري و طبيعى ان تجربة يسودها شيء من خطأ و افتخر بنفسك و قوله ان لو خدوا براءة الشعب هيخرج تانى و هيضرب طوارىء و اى حد بالجزمة و اكبر دليل ان المجلس بعد ما قلب الدنيا علي اسماء محفوظ اخلي سبيلها من قضية علشان يقضي علي غضب الشعب و بالتالي مجلس بشر اهو مش الهة و لا كائنات فضائية و بيخافوا مننا و كدة تفرح تانى و تقول في سرك  (انا بخوف اهو ) و اه و بعد ما تخلص عصيرك قلب في القنوات علشان تكتشف ان اهتمامات ناس اتغيرت و ان السياسة اصبحت مهمة حتى و لو انكر الكثيرين و ان كانت النخب السياسية و المثقفين بكل عيوبهم ارحم كتير من نجوم الفن و الكورة اللي اغلبهم غير قادر علي توجيه انفسهم  مش مجرد انه يطلع يخاطب الناس و بالتالي الشعب هيتغير يعنى هيتغير لكن ما افسد بطريقة مدروسة و منظمة لن يصلح ابدا في 7 شهور و لا حتى 7 سنين صدقنى انت بتبنى وطن من جديد و تقوم الان برفع مخلفات الوطن القديم و اثق بان سوف ياتى يوم الذى يشكرك فيه اولادك و احفادك علي موقفك من الثورة و مشاركتك فيها بدلا من ان يلومك كما لمت انت والدك علي صمته و سكوته طيلة سنوات حكم العسكر من 1954 بتحديد عندما اتضحت نوايهم ................. يتبقي انى اتقل عليك و اولك لو لسة متشاؤم بردوا انزل بقي الشارع و امشي فيه هتلاقي  ناس جالسة علي القهوة للتحدث في السياسة حتى و لو كانت بتشتم فيها لكن اهى بتتكلم في السياسة و بكرة تفهم الصح هتقلي التحديات اللي ادمنا كتير اووى هبتسم و قولك ابتسم اولا و رجع راسك لورا و افتكر ان احنا كنا رايحين في سكة تانية خالص و هى التوريث و كانت المعارضة هتسحل و الحياة كانت فعلا هتبقي اسوء من كدة  علشان كدة مهما زاد التشاؤم افتكر ان حالنا دة اسوء الافتراضات و هقولك اقرا مقال دة http://www.youm7.com/News.asp?NewsID=484341 و يتبقي انى اقولك مهما كانت عيوب المرحلة دى فهى انتقالية ......................و لو مغيرتش رايك و بقيت متفائل  يبقي انت اكييد يا فلول يا حزب كنبة .............ههههههههههههههههههههههههههههههههههههههههههههههههههه

و للثورة اسماء اخرى ...............

الامر بسيط و ليس في حاجة للتعقيد من ممكن ان نستيقظ او ( كل واحد ياخد نفسه الم سريع ) حتى ندرك ان الثورة هى ثورة في انظار من قاموا بيها و هم المصرين اللي خرجوا  فيها بس لكن بالنسبة للباقي من المجلس لباقي المصرين للمتطرفين و الخليج و امريكا تعرف باسماء اخرى و لو ركزنا شوية هنلاقينا بنسمع الاسماء دى كتير بالنسبة لايران صاحبة الحكم الثيوقراطى (ولاية الفقيه) فهى ثورة اسلامية بحتة مستوحاه من الثورة الايرانية و اتذكر انى قرات مقال لعبدالرحمن يوسف و هو يحاول ان يوصل لهم ان الثورة ليست اسلامية  و ليس يعنى خروج المليونات يوم الجمعة و خروج الناس من الجوامع انها تبقي اسلامية لان المليونيات بقت في ايام تانية غير الجمعة و لان كان في مظاهرات بتخرج من كنائس ايضا و لان في الاساس و دة راى اننا خرجنا من اجل حرية عدالة اجتماعية ليس من اجل تطبيق الحدود و ارتداء النقاب لان الاسلام هو دين صاحب الاغليبية و لم نكن نعانى مشكلة لاننا مسلمين اما بالنسبة للحزب الكنبة وانا لا اقصد اهانة علي الاطلاق لان اقرب ناس لي حزب كنبة في الاساس هم يرون ان مبارك كان حرامى و انهم لم يكنوا احرار و لكن هؤلاء يستقيظون لكى يدورون في معركة اللقمة حلال و لا يستطيعوا تحمل معارك اخرى و من اخر هما كانوا راضين فالثورة بالنسبلهم خراب ديار لان منهم مدرس اللي عايز يدى دروس و بياع حاجة ساقعة علي الكورنيش اللي عايز ناس تخرج حتى و لو شايلة طاجن ستها و لذا فانك ايها ثائر يجب ان تتعاطف معهم لانهم ابناء اعلام و تعليم مباركى خالص و يجب ايضا ان نقاتل من اجل الحرية  علشان كدة بعد عمر طويل لما يجى رئيس و مجلس  و كدة لازم نهتم بحزب الكنبة اما لامراء الخليج فهم يرون الثورة  (قلة ادب و فراغة عين يعنى مبارك ماله مهو زى الفل اية يعنى بيسرقوا )   تقريبا السرقة و نهب و توريث فرض علي حكام العرب اعتقد انهم يعتقدون و الله اعلم انها فرض كتعدد زيجات و انفاق المال علي النساء و شتى انواع الفساد و هم يرتعدون من رياح الحرية و اكبر دليل  ظهور قوات درع الجزيرة في البحرين لاجهاض الثورة البحرينية و محاولة اظهارها علي انها انقلاب طائفي باجندة ايرانية و علاقة النسب التى اصبحت بين امير البحرين و ال سعود تجعلك تري مدى محاولة تجمع و توحد خلف الديكتاتورية الخليجية لذا فهم اكثر كارهى الثورة ( يمكن يكونوا بيكرهوها اكتر من مبارك و القذافي و بشار مع بعض ) اما لامريكا فهى تخاف من رياح التغير لانها لاتعلم اى قوة سوف تصل الي سلطة بسلام و انا ازعم انها لا يهمها ان تكون اسلامية و لا لبرالية بقدر ان يهمها ان تكون كنز استراتيجى زى مبارك بالضبط ...................... و دة راى ممكن يبقي صح او غلط انا و حظى بقي 

خدعوك فقالواا

خدعوك فقالوا لن يقف احد في وجهة اسرائيل خدعوك فقالوا المسلمين لا يمكنهم تكوين دولة قوية خدعوك فقالوا اننا اخرنا دول العالم الرابع خدعوك فحسروا الازمة المصرية مرة في المادة التانية و مرة اخرى في مدنية الدولة  خدعوك فقالوا ان مصر ليست تونس ثم يخدعوك و يحاولوا اقناعك ان مصر ليست تركيا خدعووك يا عزيزى و التزموا الصمت و تحدثوا قائلين ان اردوغان اسلامى ليس علمانى ........طيب لكنه لم يترك الدم يسيل علي الحدود ليعتكف و لم يقبل ايادى العسكر بل اطاح بكبار الجنرلات في تركيا زوجته محجبة لكنه لم يفرض الحجاب علي الاتراك  و الله لو انى اشك مجرد الشك ان التيار الاسلامي قادر علي النهوض بمصر مثل ما يحدث  في تركيا لكنت وقفت بل وقف كل المصرين خلف هذا التيار بكل قوة و لكن لا مجال للشك فالقصيدة لها عنوان و عنوان لا يبشر بخير علي الاطلاق .............للحكاية بداية فدعونا نبدا الحصار البحرى كان علي اشده في غزة حتى قرر الاتراك و بعض النشطاء الاوربين كسر الحصار باسطول الحرية و لكن اسرائيل هاجمتهم و قتلت بعض الاتراك  و هنا لم يقف اردوغان مقطوف الايدى صامت يدين و يستنكر علي اراقة الدم التركى بل رفض السلام علي الرئيس الاسرائيلي في مؤتمر (بصراحة مش فاكرة اسمه ) و لكنى اتذكر جيدا ان عمرو موسي الامين العام السابق لجامعة الدول العربية و مرشح لرئاسة الجمهورية سلم عليه عادى و جلس معه .....(و علق انت علي موقف زى دة ) و ثارت تركيا طبعا حتى جاء اليوم  الذى رفضت اسرائيل فيه الاعتذار و لكن تاسفت علي ارواح الضحايا زى ما عملت مع مصر بالضبط لكن الفرق يبن تركيا و مصر ان تركيا طردت السفير من غير اعتصامات و لا مظاهرات و لا من غير ما نوقف عجلة الانتاج ................اما الدبلوماسية المصرية تفوقت كعادتها حيث قدمت العزاء في ضحايا عملية ايلات و ذهب القائم بالاعمال المصرية في اسرائيل من اجل توثيق روابط الوحدة الوطنية و فطر مع اخواته في اسرائيل ............و طبعا اكييد في تركيا الخبراء الاستراتجين اللي هناك بيقولوا ان ده اعلان حرب و ان تركيا هى اللي هتخسر و لا اية ...........طبعا انا واثقة ان الكلام دة مش هيحصل في تركيا لان الكلام دة مصري اصلي مهما روحنا مش هنلاقيه في مكان تانى ............اخيراا تحيا تركيا و تحيا دم التركى و سلملي علي الوطنية و علي دم المصري اللي بيتهان في كل مكان و علي العسكر كمان

سواء نازل او مش نازل يوم 9 سبتمبر شوف الفيديو

لو قعدت اكتب من هنا لبكرة الفيديو دة فيه الشفاء و المفيد كله

علي طاير .......................؟؟؟؟؟؟؟

بسرعة كدة عندى كاام سؤال .................1 اية علاقة الكتتانى بتاع الاخوان بالسياحة و يطلع يتكلم فيها ليه و مين اللي جابه علشان يتكلم ؟؟؟؟؟؟؟؟ 2 المرشح الرئاسي ابو اسماعيل انا احترمته فعلا بعد موقفة الشجاع مع اسماء محفوظ و بيانه لكن هل اصبحت ازمة مصر في الشواطيء و المايوهات و الشواطىء الحلال و الحرام يعنى هو الشعب خرج يوم 25 يناير تحت شعار الشعب يريد شواطيء حلال  ؟؟؟؟؟ 3 المجلس العسكرى و المشير ملهمش في الادارة و السياسة مقبولة الجيش مش شرطة و ميعرفش يرجع الامن كلام مقبول لكن لما الجنود يموتوا علي الحدود و منخدش حقهم و لا حتى نعزى اهاليهم يبقي ........؟؟؟؟؟                                                                           4 المسلسلات كلها بقت نهايتها الثورة بشكل يثير للقرف علي الرغم من ان ابطالها كانوا ضدد الثورة اصلا و خرجوا في مصطفي محمود ؟؟؟؟؟ 5 البرامج كلها سواء المذيعين فلول زى لميس الحديدى او حتى عمر الليثي بيسالوا عن اية اللي هيحصل لو الاخوان ماسكوا الحكم و كل ما يجيبوا ممثل يسالوه و اللي يضايق لو كان الضيف مسيحى يسالوه هتسيب مصر لو وصل الاسلامين للحكم ....بصراحة كلام مستفزز تضخيم من الاخوان و السلفين و كأنهم لوحدهم في الشارع ؟؟؟؟؟؟؟؟؟؟؟                                                                       6 هو البرادعى فين اللي يعرف هو فين يقولي لانى عايزة انتخبه لكن لو انتخبته و قعد طوول السنة برة مصر او مختفي كدة يبقي ؟؟؟؟؟؟؟؟؟؟؟

تقبل منا و منكم و لكن ................

بعد انتهاء الشهر الفضيل الذى يعتبر سباق لحصد الحسنات و الصيام عن الطعام و الشراب و اكيد الغيبة و النميمة و الكذب و علي الرغم من ذلك احنا بنمشيها اكل و شرب بس و من غير مقدمات مملة ذهبت اليوم لصلاة العيد مسرعة حتى استطيع ان الحق الصلاة و لكنى كالعادة صليت في الشارع و كان زحاام كبير و اكثر ما لفت نظرى هو كيفية ذهاب الناس لصلاة العيد و هي سنة مؤكدة ...............كانت بعض الفتيات يرتدون ملابس العيد و بين قوسين لبس لا يجوز للصلاة و التضرع لله و الوقف بين يده و منهم من وضع المكياج بشكل ملفت ومنهم من وضع مونكير و هو ما لفت انتباهى بشدة اذ لايجوز الصلاة في حالة وضعة .................و لكن كل هذا تقبلته و قلت اية المشكلة و انا مالي و كل واحد حر لكن اللي ضايقنى فعلا هو مرور الكثير من الرجال امام النساء مع بداية الصلاة و منهم من وقف علي سجادة الصلاة و البعض كان يسير مسرعا مرددا ربنا يسامحنى بقي ................و استفزنى بشدة هذا الرجل و كان هاين علي اخرج من الصلاة و اديله كلمتين لانه طالما عارف ان كدة حراام بيقف علي  سجادة الصلاة ليه و لكن هونت علي فتاة كانت تجلس بجوار ولادتها و تحاول تهدئتها  بعد الصلاة و قالت ليها معلش يا ماما عيد بقي كبري دماغك ................و قولت انا كمان اكبر دماغي لكن اللي خلانى اصغرها و احط الوضوع في دماغي انى لحظت ان فيه كتيبات خضراء صغيرة توزع علي البعض و كان نفسي اخدها لكن وجدتها مع اخى الصغير و وقتها فرحت اووى و خدتها و تفرغت لقرائتها في طريق و كانت تتحدث عن الجمعية الشرعية و الحكم الاسلامى و الدولة الاسلامية من اخر استغلال للمناسبة في كسب تعاطف لسياسات التيارات الاسلامية و اثناء تصفحى سريع ليها لفت نظرى بشدة (العمل السياسي الحزبي اصبح واجبا من فروض الكفايات علي الاسلامين و ذلك من منطلقين ...الاول درء مفسدة باغلاق الباب امام غير المسلمين لمنعهم من الوصول الى الحكم ........و الثانى تحقيق مصلحة وجلب المنفعة بوصول من يقيم حكما اسلاميا راشدا )..........في لحظة و انا بقرا هذا الجملة استرجعت ما رويته في المقدمة و هى ان شيوخنا الافاضل انشغلوا بالسياسة و ظهور في التلفاز و تركوا المسلمين و المسلمات لا يعرفون اداب الصلاة ..........يا فرحتى ..........و معنى كدة اننا نبدل احلي يعنى نجيب بتوع السياسة يعلموا الناس الدين و علشان يتفرغ شيوخنا الافاضل للفتى في السياسة بعد ما افتوا في الدين و كل المصريين اصبحوا لا يحتاجون لشيوخ بعد اليوم ..........تذكرت حديث لرسول الله و هو علي حسب ما اتذكر (من حسن اسلام المرء ان يترك ما لا يعنيه )................و تقبل منا و منكم و عيد سعيد

رحلة بدات من سليمان خاطر و انتهت ........... باحمد الشحات

رحلة طويلة عانى فيها المصريون الذل و الهوان علي ايد القريب و البعيد سواء ان كان هذا القريب يحمل نفس الجنسية التى تحملها و ممكن ان تصادفه يصلي معك و قد تجده يركع او يرسم الصليب و ليس من المستبعد ان تسمعه يدعو الله ان يرحمه و هو اصلا لا يرحم الناس اصلا فكيف يرحمه الله  و هكذا عشنا في دولة العبيد و الاسياد تكرار فج لنموذج الملكية و العبودية علي اسوء ما يكون و هذا و اكثر كان داخل الحدود بلدك اما علي الحدود مباشرة فكنت في مواجهة مباشرة مع عدو اشترى رئيسك بالغالي و باعك رئيسك ليه بالرخيص و هذا تطبيقا لنظرية حاميها حراميها التى كنا نعيش في ظلالها ثلاثون عاما و من غير سرد لاحداث خالدة في عقولنا و قلوبنا اعتقد ان العساكر اللي علي الحدود المصرية اتباعوا فعلا بالرخيص في  يوم لا ينساه التاريخ ابداا هذا اليوم الذى حاكمت فيه مصر البطل سليمان خاطر الذى قتل الجنود الاسرائلين ثم رحلة قصيرة مع محاكمة العسكرية يشوبها الكثير من التشوية و التزيف لحقيقية خاطر و انتهت بوفاته الغامضة التى اكد اخواتنا البعدا انه انتحر علي الرغم من الكثير من الشواهد وقتها كانت تنفي هذا الادعاء و لكنى تعلمت جيدا ان اللي حكومة تغضب علية بيتجنن و حالته نفسية بتسوء و بينتحر يرمى نفسه بقي من الدور التاسع يشنق نفسه او حتى ماس كهربائي المهم ان الحكومة دى فيها شيء لله  و منذ هذة الحظة الفارقة في حياة المصرين التى قرر فيها المصريون الصمت و اخذوه سلاحا قاتلا لا للعدو بل للجنود اللي علي الحدود بدانا نسمع عن الجماعات المسلحة اللي ما ورهاش غير انها تموت كام عسكرى من فترة لتانية و بصراحة اشهد للنظام السابق بالعبقرية انه كان بيضرب ثلاث عصافير بحجر واحد اولهم انه يعمل موضوع لاشغال راي عام و ثانيهم انه يلبس الموضوع للفلسطنين و بالتالي يفقدوا تعاطف راي عام مصري و ثالثهم اثيات ولائه و انتمائه للكيان الاسرائيلي و اشهد بردوا وقتها انى كنت بتاكل علي قفاى جاامد و صدقت خاصة لان الاعلام كله كان بينساق و كانوا بيعملوها قضية راى عام  و مع سقوط النظام كانت خسائر فادحة للطغاة العرب و لكنها كانت اكثر قسوة بالنسبة للكيان الصهيونى لانه فقد حليفه و اخوه مبارك الذى لم يدخر جهداا لمنح اسرائيل امتيازات لا تعد و لا تحصي بداية بتصدير الغاز مرورا بتمديد اتفاقية كامب ديفيد وصولا باغلاق المعبر و تشوية صورة الفلسطنين و لكن بعد 25 يناير لا يمكن ابدا ان يشبة اليوم الامس و بعد استشهاد المصرين علي الحدود عن عمد و بداية حملة جديدة علي القطاع  اتخنق المصرين من العلم الاسرائيلي اللي بيرفرف من 17 سنة علي السفارة  و قرر المصرين ان يدخلوا في اعتصام مفتوح علي طريقة التحرير حتى جاء احمد الشحات ليتسلق العمارة و يزيل العلم الاسرائيل و يضع علم مصر ...................و يستمر المصريون في سعيهم نحو رحيل السفير لكى يحصل صديقه مبارك الذى رحل ايضا لكن بعد 18 يوم يا ترى اية اللي هيحصل هتنتصر الثورة ام ينتصر المجلس ام يبقي السفير و علي المتضرر ان يذهب الى جحيم ...................................

كلنا اسماء محفوظ

في ظل احداث الثورة كنت اسمع من بعض اصدقائي ان المنظمة الرئيسية للتظاهرات سلمية فتاة جميلة تدعي اسماء و لم اكن اعلمها من قبل و علي الرغم من انى في وقتها كنت خائفة جداا و كنت اتمنى ان تنتهى التظاهرات لانى كنت واقعة تحت تاثير اكذايب التلفيزيون الا اننى فرحت بشدة و تمنيت ان ارى هذة الفتاة الشجاعة و لماذا هي تفعل ما يخاف بل و يرتعد بعض الرجال من فعله خاصة اننا في مجتمع ذكورى  حتى افقت علي موقعة الجمل و شعرت بان شخص ما صفعنى علي خدى بقوة لكى افق من وهم التلفيزيون و في ظل ما كان رجال و شباب جالسين في منازلهم و سيدات تصب جهلها و غضبها علي جالسين في  التحرير كان هناك شعب ما يحي في دولة التحرير 18 يوم ليحقق الحلم و يكسر جميع الاصنام و كانت  اسماء محفوظ من ضمن هذا الشعب و رحل مبارك و لكن بقي بداخلنا مبارك صغير يتحكم في افعالنا و تصرفاتنا فحتى و ان كان مبارك يحاكم و ينام علي سرير في القفص فهو يحكم داخلنا و ليس بداخلنا فقط بل امتد الامر الي المجلس العسكرى الذى لا اعلم ماذا يريد و خاصة من شعب التحرير الذى اسقط الفساد لا عن الشعب فقط بل عن المجلس ايضا فقرات كثيرا عن ان المشير كان يرفض خطة التوريث و كل هذا ليس موضوعى لكن الاهم ان بالنسبة لي وجدت مثل اعلي و قدوة فى هؤلاء الثائرات  امثال اسماء محفوظ و اسراء عبد الفتاح و نوارة نجم  و سالي توما هؤلاء من شاركوا في صناعة المستحيل في وقت الذى كان يطل علينا اصحاب الذقون و الجلاليب البيضاء ليحرموا خروج عن الحاكم .............و ما حدث ل 6 ابريل من ظلم و افتراء جعلنى اصرخ قائلة كلنا 6 ابريل ...........و اليوم انا اصرخ كلنا اسماء محفوظ و انا اثق انها لن يمسها شر ابدا و لن تسجن لانها تمتلك من شهرة و جماهيرية ما يخيف اخوانا البعدا من سجنها و ادعوا لها هي و لؤى نجاتى و ضباط 8 ابريل و مش عارفة اية حكاية شهر ابريل حركة 6 ابريل تظلم و تهان و ضباط 8 ابريل يسجنوا و هو المجلس متعقد من الشهر دة .............ممكن نشيله من التقويم و اهو حتى تقويم الميلادى و قد يصدر بعض السلفين فتوى بتحريم هذا الشهر لاراحة الحاكم  لان طاعته واجبة و ....سلام

 

خواطر

لقد قررت و انا بكامل اردتى و بكامل قواى العقلية ايضا و بناءا علي نصيحة انى اكتب باللغة العربية حتى لا افقد لغة بلادى و سوف استفيض في وصف كل ما يدور بخاطرى ...........اشعر بتخبط و تغير ما يشوب حياتى و شخصيتى انا علي اعتاب مرحلة جديدة جداا تختلف عن دراستى في المدرسة فانا اعى جيداا انى ادخل كلية لا اتمنى ان اعمل بشهادتها و لكن في لحظات ما تمر بالانسان و علي الرغم من خطورتها و اهميتها يضحى الانسان بما يسعده في مقابل مايسعد الاغلي في حياته و هذا كله لايعنى انى شهيدة لاختيار دفعتنى اليه الظروف الاجتماعية و الشخصية فانا اعشق الهندسة و كنت علي مدار تعليمى اتفوق في الرياضيات خاصة و في الباقي عموما و قد اخذت عهد علي نفسي ان اجتهد  بين قوسين ادح في الكلية تحسبا لاى ظروف لايعلمها سوى الله وحده انا اعشق الكتابة بكل ما تحمله الكلمة من معانى و دائما ما اختلس دقائق من الاستذكار لكى احلق بخيالي في عالم اخر يكون القلم فيه هو الوسيلة الوحيدة التى احتاجها فكنت اكتب في اوراق الفيزياء و اتذكر انى كتبت خلف كتاب ميكانيكا فانا لا اشعر بوجدى الفعلي كانسانه الا في حالة العمل الذى غالبا ما يعقبه التفوق لذا فانا يروادنى هاجس مخيف بانى لست موهبة في الكتابة كما اشعر و اننى لو سلمت نظريا اننى احمل جينات الموهبة فعلا و اجيد فن الكتابة فلن انجح لاى ظروف ما و انى سوف اقضي عمرى باقي في عمل روتينى ممل .........و لن احقق اى من احلامى و ان كل القلاع الشامخة و النجاح الذى اسعى لتحقيقه سوف ينهار و يتحول الي سراب .........هذا الهاجس المخيف يطاردنى من حين لاخر و لكنى لن اوهب عقلي للظنون و الهواجس و لن اترك نفسي فريسة سهلة تتلاعب بها الاقدار فانا احلامى متعددة  اتمنى ان اعمل في السياسة و افهم قواعد هذة اللعبة  لا لكى اكون وزيرة او نائبة لكنى اعشق العمل بين الناس اعشق كل ما هو جماهيري و يحد من حالة الروتين .........اعشق القصص فاول شيء كتبته في حياتى دون مساعدة احد كانت قصة قصيرة و مازالت اتذكرها جيداا و بعد ذلك بسنوات كتبت عدة قصص قصيرة اثارت اعجاب المقربين منى و بعد ذلك شعرت بانى اتمنى ان اجيد فن السيناريو و بدات فعلا اتعلم هذا الفن مثير  اعشق الشعر بشدة و لكنى اجيد كتابة القليل بالعامية المصرية ...........بمجرد ان سمعت عن التدوين شعرت بامل جديد يطرق باب الحياة فقررت ان ابدا و شعرت بمتعة لا يمكنى وصفها ................انا الان املك منبر لكى اقول ما اريد في اى وقت و اى شيء لا توجد في هذا العالم حسابات الرقابة و الاجبار علي شيء ما فهنا انا حرة و من يريد ان يقرا ما اكتب هو حر ايضا ......................و اعتقد ان هذا الكم كافي بالنسبة لي .........لقد تكلمت كثيراا

اللهم انى صائم

يعنى يرديكوا اضيع صيامى و اعلق علية و................. هبقي دور بردوا علي فيديو رغدة اصله مستفز زى دة بالضبط

كله جيرافك جيرافك مفيش قتل خالص يعنى

الفيس .................

تقدر تعتبرنى من مدمنين الفيس و تويتر و انت ضميرك مستريح و دلوقتى ضيف ليهم بلوجر .......انهاردة و من غير مقدمات طويلة بفتح الفيس و لقيت نفسني قدام كومنت مكتوب يستحق الدراسة و ينبا بخطر ممكن متصدقوش و ممكن تصدقه لكن انا مصدقاه قصة باختصار شاب مسيحى و الله معرفه و مش فاكره عملتله اد ليه لكن لقيته كاتب قصة انه راجع انهاردة وقت الفطار و كالعادة كل واحد بيقدملوا حاجة ياكلها الراجل رفض بذوق .......لحد ما سوااق كتر خيره رفض ان يكمل سواقة و وقف وقله لازم تكسر صيامك رد عليه الشاب انا مسيحى ..........بصله كدة و قاله اعوذ بالله انزل ما متعملش مع كفرة و فعلا نزل الشاب ..............ممكن الشاب دة يبقي متسامح و هينسي الموقف دة فعلا زى ما قال و ممكن انتوا متصدقوش لكن انا شخصياا اصدقه جداا .............بعد الموقف دة افتكرت تويته كان كتابها ولد و بردوا فعلا معرفوش سال ازااى البلد دى اتبنى فيها معبد يهودى في وسط البلد ؟؟؟؟؟؟ و ازااى انتخبوا رئيس برلمان مسيحى في تلاتينات ايام ما كان في حياة برلمانية بجد لا كان عز لسة شرفنا وزور و لا العادلي كون جيش البلطجية .................يمكن اللي هون علي فعلا و اعتقد اللي هون علي الشاب نفسه كومنتات الاعتذار و انا نفسي اعتذرتله لكن الشاب دة ابهرنى و هون علي و علي نفسة و كتب اية القران "لتجدنَّ أشد الناس عداوةً للذين آمنوا اليهودَ والذين أشركوا ولتجدنَّ أقربهم مودَّةً للذين آمنوا الذين قالوا إنَّا نصارى ذلك بأنَّ منهم قسِّيسين ورهباناً وأنهم لا يستكبرون   .............و نظراا لان النهاردة كان يوم حافل لي صديق فلسطينى علي فيس و كان بيسالنى عن حال في مصر و كلام جاب بعده و حكيلي عن شاب زميله كان طاير بالثورة و سال حد من كبار عن راية فطبعا سكت الكبير لكن الشاب ما سكتش و قالوا ان بكرة اللي حصل في مصر هيحصل في كل البلاد ...........طبعا اتجاب الشاب من بيته و اختفي كام يوم لكن رجعوه تانى بعد ما ثار اصدقاءه و اكيد خاف كبار اللي هناك لان الثورة عدوة و من شرارة تقوم .............كل اللي  كتبته دة اتحكيلي علي الفيس لكن يقين ما بداخلي بيقولي ان دة صح ...........................

حالك عجب ...............؟؟؟؟؟؟؟؟؟؟؟؟؟؟؟؟

ربنا انعم علينا بنعمة العقل و دة الفرق بنا و بين الحيوانات اللي دورها في الحياة تاكل و تشرب و تنام و في اخر هتبقي ترااب ............و نعمة العقل فرضت علي الانسان انه يبحث عن اله يعبده و استمر انسان في رحلة طويلة يبحث عن الخالق صاحب كل النعم .....في بداية اشرك بالله و عبد مجموعة من الالهة و بدا الله في ارسال الرسل و الانبياء علشان يرشد الانسان لحقيقة واحدة و هى ان مفيش غير الهة واحد خالق كل شيء و هو بس اللي يستحق التقديس هو بس اللي فوق النقد هو بس الخط الاحمر .......ربنا يا مصرين خلقنا احرار و يذكر علي هامش المسيرة طويلة للانسان اثناء بحثه عن الهة ان اخناتون و هو ملك فرعونى مصري الجنسية .....طبعاا اول من وحد الالهة  كل دة يا مصرين رحلة عظيمة يا بشر .................امال اية بقي انتوا بتعملوا في نفسكوا كدة ليه مفيش حد يستحق تقديس لا رئيس و لا وزير و لا مجلس عسكرى حتى ربنا بس هو المقدس في الدنيا دى و بعده انتوا يا بشر انتوا دمكوا غالي و حريتكوا لازم تبقي فوق روسكوا بنعمل في نفسنا كدة ليه لازم نقول لالا و لا و لا................ يعنى اية  اطلب حرية و اثور و عمل ثورة مصرية و سيب الحكم في ايد اللي كان شاهد علي فساد سنين طويلة .....يعنى اية الثوار يتشوه صورتهم ........ادفع روحى و دمى علشان حرية  و في اخر ابقي باخد فلوس من فلان و علان ..........انهى فلوس دى اللي تخلينى احط روحى علي ايدى يا بلد و اقول ملعون ابو دى حياة ذل و مهانة ..............اللي يقف قدام خوفه و بندقية في وشه يبقي بطل و ثائر و طالب حقه ...........بتقدسوا المجلس ليه هو عمل اية حما الثورة طيب يشكر ...........انتوا اللي عملتوا الثورة ........و لا اية .........يعنى اية اقف انادى علي حقوقي اللي ما بتجيش غير بالزق و صوت عالي و في اخر اضرب و اتهان .........و افظع ان ولاد بلدى اللي انا وقف عشانهم بيقولوا احسن تستهلوا .........طب ليه اللي واقف دة واقف علشانى و علشانك و علشان دم ...............بتقولوا عجلة الانتاج طيب ..............احنا اسفين يا ست عجله لكن ما عجلة دى اصلا طول عمرها وقفة طول عمرنا بنتسرق ................بقي يا بلد ........حالك عجب اللي واقف بيقول  للظالم انت ظالم و حقي عندك .............دة وحش خاين و عميل .............لكن لو سرق و هرج و قعد يلعب سودكو في شغل يبقي تمام ..............اه يا بلد حالك عجب ......................لو حد عارف ليه محمد محسن مات في العباسية ....و ليه المصابين مش لاقين علاج .......و ليه المجلس بينقطنا في طلبات ..............و لية المدنين بيتحكموا عسكريا .............و لية الثوار اضربوا انهاردة في التحرير؟؟؟؟؟؟؟؟؟؟؟؟؟؟؟؟ يا ريت يدينى رنة فبل ما فقد الامل و انسي ان الثورة قامت

مين .......مين .......في رقبة مين دمك يا محمد

تصدقوا اننا بقيت كل شوية افكر نفسي ان في ثورة قامت لانى حاسة ان في حاجة غلط كل شوية افتح و اتاكد بنفسي مرة علي يوتيوب مرة اعيط مع صور الشهدا .........امال في اية يا بلد الطلب بيتحقق فيك بوقفة في الميدان و نومة في خيم و تعد تشرح لكل واحد و الله ان فعد هنا علشانك علشان مصلحتك ................ ليك و لمستقبلك .............يقوم اية بقي يقوم المطالب ما تتحققش و كانك بتدن في مالطة و تلاقي نفسك فجاة بلطجى و خاين و عميل و صربيا هى اللي بتحرضك .......علشان تحتل مصر و لا حاجة وامريكا بتمولك و اسرائيل بتساعدك .............و ناقص يقوللك انك بتاكل من ام كنتاكى و الله لولا انها قدمت كانوا قالوها .......................كل دة مش المشكلة دة بقي عادى المشكلة في دم مفيش اغلي من دم ........محمد و الاحرار اللي ارتكبوا الجرم الاعظم غلطوا في بخارى .............جرحوا البراءة و طاهرة نسيوا ان المجلس بقي هو الخط الاحمر الجديد  علي الرغم من ان الثورة اتعملت و دم  غطى الشوارع علشان الشعب يبقي هو الخط الاحمر و حقوقه تبقي فرض مؤكد مطالبه تبقي فوق راس المجلس ...............يعنى محمد و اللي راحوا العباسية عملوا اية غلطوا في اية يضربوا لية ..........لية محمد يموت لية يا ترى دمك في رقبة مين يا بطل المجلس صاحب البيانات الرشيدة ولا الشعب الاعمى و لا مين و لا اللي قاعدين في بيوتهم و لا مين  و لا مروج الشائعات  الاول في مصر و هو اللي بلسانه قال ................يا ترى اللي قتل محمد دلوقتى بيعمل اية وهموا و قالولوا انت بطل و لا بلطجى  دى شغلته و في حالتين بردوا  ...........انا شايفه دمك يا شهيد و هوبينقط  من ايد مبارك و العادلي ........اكيد في واحد هيقلي مهم محبوسين ...........عايزة اية تانى هقولوا هنا انهم خلقوا جيش من الباطجية زى ما خلقوا المواطن السلبي اللي عايز ياكل و يشرب و ينام .........و بردوا دمك في رقبة المجلس اللي حرض و اتهمك يا شهيد ببلطجة و اخر و صولك للمستشفي .............دمك في رقبتنا يا بطل انت و غيرك دفعتوا تمن الحرية من غير ما تعشوها انتوا قدمتونا اغلي شيء تمتلكوا علشان يرجع لنا اهم شيء في الحياة و هى الحرية ................................اسؤ كومنت قارته ان في كائنات للاسف بيسموها بشر لكنهم اكيد مش كدة بيقولوا عليك انك مش شهيد  لانهم شايفين اللي حصل في العباسية دة خناقة .............دول بقي ما يتردش عليهم افضل لان اللي يرضي ان اخو يضرب و يموت لانه رايح يدور علي حقه ما يستحقش غير انه يعيش زى اى حيوان ياكل و يشرب و بس و لو في يوم اضرب و اتهان ما يلومش غير نفسه ...................................الله يرحمك يا بطل

الاجوان التونسية في مرمى الثورة المصرية

تونس و مصر ..........لالا مصر و تونس .....بس الصراحة تونس و ...........بعدهااا مصر تونس و ثورتها الرائعة التى الهمت الجماهير العربية من المحيط للخليج و فكرته انه عايش في قهر من سنين و قالتله اقوم ملعون ابوا السكوت و الخنوع و الركون و ملعون ابوك يا فرعون .......و من هنا تبدا الحكاية ان في يوم قرر الشهيد التونسي محمد بو عزيزيه الانتحار معتقد انها نهايته و اكيد مكنش عارف انها بداية جديدة  قررت فيها الحرية انها تعدى علي بلاد عشش فيها الظلم سنين كتيرة و خرج توانسة و بداوا رحلة البحث عن الحرية و اعتقد انهم في طريقهم للوصول ليها استحقت ثورتهم فعلا التحية و سجلوا في كل البلاد العربية و بالاخص مصر اجوان ملهاش حل من غير تسلل و لا حتى اشتروا الحكم .........بص بقي الجيش التونسي وقف معاهم و مقلش انا هادير بلد و مش هحكم و معقدش صفقات مع التيارات الاسلامية بل الالتزم الحياد ....كونوا مجلس رئاسي منتخب .............و الاهم انتخبوا لجنة لوضع الدستور و اعتقد ان دة الجون الاحلي و هو ماشين في خطوات ثابتة نحو حياة حرة و هيعملوا انتخابات نزيهة شريفة ......................احنا بقي حققنا اية شوهنا الثوار ........الحكم رجع لايد العسكر ..........اهالي الشهداء بيضربوا ..........و لما يتطلبوا حقهم يتقالهم بتجروا بدم الشهيد ...............المحاكمات العسكرية و التيارات الاسلامية و التلفيزيون المصري ...........مثلث النزاهة .........و حققنا الخير كله .............نسيت في جوون حلو اوووى الجمعة الجاية بيقال انهم خارجين في مظاهرات ضدد السفير السورى عشان يطردوه ..........بصراحة التوانسة ملهمش حل ربنا يكرمهم يا رب و يكملهم طريقهم علي خير

علي خطى العادلي ..................

المصرين دايما بيعانوا من مشكلة المثل الاعلي و القدوة فهم في حالة بحث دائم عن الرجل المناسب الذين يقتدون به لكن هذة الازمة استطاع البعض ان يعبرها بسلام ليصل الي قدوة السليمة و بدون ذكر اسماء او وقائع عندك يا سيدى اللي عمله المجلس العسكرى مع ثوار اللي في التحرير النهاردة يعنى اول يوم رمضان تعيدوا عليهم بطريقة رائعة دى و كمان تخشوا تجبوهم من عمر مكرم الله ..............الله........و نعم الطريقة و بصراحة و انا بغلي و بشوف تويتر عجبنى تويتة بتقول ان زي ما حتفل العادلي مع اخواتنا اول يوم في السنة المجلس بيحتفل مع الناس اول يوم في رمضان ...............امال اية المساواة في القهر عدل ........المساواة في المعاملة نظرية لكن مساواة في طريقة ادارة البلد و كأن الدم اللي غطى مصر دة كان ديتول و لا كلور تبقي اية .................و هو علشان محدش يقول في تفرقة في المعاملة اترشنا بالمياه يوم جمعة الغضب .................و انهاردة فض الاعتصام بقوة ................اللي قهرنى فعلا و مخوفينى و بيزود تشاؤمى رد فعل الشعب و دة طبعا مع العلم انى فقدت الامل في التيارات الاسلامية و التلفيزيون المصري ..............ازااى اوصل للشعب ان جوع مش هيموت لانك تلاتين سنة بتاكل اكل و ظلم و ضرب و سرقة و نهب لكن لما تعيش في ظلم و الاستبداد و فقر و مرض هتمووت في يوم تلاتين مرة طب مووت مرة واحدة شهيد للحرية .................افضل ما تموت مليون مرة في يوم ................................................................

فجر الاسلام

و انا صغيرة كنت بستنى اى مناسبة دينية علشان اشوف الفيلم دة و اكثر حاجة كانت بتشدني ابو جهل و ابو لهب و الاخوة الكافرون الافاضل و كنت بسال نفسي اى سذاجة دى تخلينى اعبد الهة عجوة و لما اجوع اكله لكن تمر الايام و ربنا يحطنى قدام سذاجة من نوع اخر   و ان كانت سذاجة ابو جهل عقائدية فسذاجة بعض تيارات الاسلامية سياسية و قد تكون دينيا و علشان متشمتنيش بالاب و الام في سرك استنى و ادينا بنفكر مع بعض بص يا سيدى و الله انا مسلمة و موحدة و ادعي انى فاهمة في الدين و اعشق الرسول و زى زى كل المصرين اللي رباهم شيوخ مبارك علي ان الهدف الاسمى هو دخول الجنة و في سبيل ذلك ارتكبنا اخطاء كانت كفيلة انها تقعدنا شوية في نار سلبية و فساد و سكوت و تحريم الخروج علي الحاكم و تضيع وقت كتير اوى في مناقشات قوية حول النقاب و عمل المراة و خد من دة كتير و كل دة و انا اصلا معرفش ان اصحاب هذة الاراء هما السلفين يمكن لانهم كانوا و خدين تعسيلة طويلة ايام مبارك و صحيوا بعد يوم التنحى و انا هنا مبجمعش لكن هقولك محمد حسان مثلا سمعتوا و لاول مرة علي التلفيزيون الرسمى يناشد الاخوة الثوار بضرورة حقن دماء المسلمين و الجمعة اللي بعدها شوفت محمود المصري بيسمعنا نفس الكلمتين و سمعت بعدها ان ثوار التحرير ضربوا الشيخ خالد الجندى و رفضوا محمد حسان ...............و هكذا و دى كانت نبذة عن السلفين امبارح اما عن سلفين النهاردة ميختلفوش كتير عن امبارح يعنى كعادتهم بيحبوا يقعدوا علي رجل الحاكم بيفكرونى بالتلفيزيون المصري امبارح الخروج عن مبارك حررام و انهاردة المجلس العسكرى و المشير فوق النقد مش عارفة بكرة هيقولوا اية و احسن نخلينا في النهاردة كان نفسي اشوف الكل ايد واحدة لكن ربنا يرحمنا رفض الاخوة الافاضل تحقيق الحلم الوردى دة و اشم ريحة  بترولية نفاذة اوى مع رفع علم السعودية و كمان بعد ما نسر اتشال حست اننا دخلين علي مملكة المصرية السعودية المتحدة و هنا بقي سذاجة يعنى اكفر 6 ابريل و قوى اللبرالية لكن احلل تدخل السعودية و بالنسبة للسذاجة الدينية ان الموضوع باختصار ان السعودية بتحمى سفاحين اليمن و تونس و بيقولوا ان فلوسنا عندهم و ضيف علي كدة فساد مبارك و دم اللي غرق تونس و مصر و اليمن بقي كل دة لا يكفي لكي تتقي السعودية ربنا و تسلم السفاحين لبلدهم الاهم ان في السعودية اصدر المفتى فتوة بتحريم المظاهرات و دة بيعكس خوف السعودية و الممالك اللي جنبنا من رياح الحرية

كيف تصنع ديكتاتور

• موضوع مش صعب خالص دة في منتهى السهولة هى مجموعة خطوات بسيطة هنعملها مع بعض مع علم ان احنا اصلا خبرة و جاامدين و قدرتنا تفوق اى توقعات بس انت تركز معاى و تتبع الخطوات اولا يا سيدى احياناا بيصيب الامم اللي زينا ممل  مش اكتر و بالتالي بتقرر انها تغير موود حكم يعنى مثلا من ملكى الي جمهورى كدة و كدة بين قوسين ملكية بردواا و يا عينى بتشيل الملك الغلبان اللي كاان كل ذنبه انه حكمنا 30 او 20 سنة بس سرقنا حبة و قتله كاام الف و لا حتى موته بالحياه فيها اية يعنى امال كان يتسلي في اية ثانيا من غير ما طول عيكواا يجى بقي واحد جديد يحكم امال اية هنسيب البلد من غير فرعون و دة يجى .................احنا حتى بنفتخر ليل و نهار بالفراعنة الخطوة الثالتة لازم نبدا وصلات النفاق و القرع المباشر .................و علي سبيل المثال انتا زعمينا انت ابونا و ممكن عمنا انت سيدنا و مفيش مانع لو نعمله كااام اغنية حلوين كدة امال اية اه كنت هنسي و بالنسبة لاسرته الشريفة علينا احترامها و تبيجلها و مفيش مانع من اعطاء لقب فرعونة لمراته او حتى نقولها يا ماما او ستنا الهانم ..........دى حاجات بسيطة و احنا اصلا خبرة رابعاا علينا بقي بالطاعة العمياء و بالمعنى اخر ان نعلم ان الدنيا فانية و نركز علي اخرة .....و ممكن نطمع في الجواز و مش بعيد نجيب عيال لازم نعلمهم السلبية و ان بابا هو رئيس و ماما هى مراتة اوعى تنتقد اوعى تقول جابوا الفلوس منين و عليك و علي الجامع لو كنت مسلم و ان كنت مسيحى يبقي الكنيسة هدفك و خلي شعارك انك تربي العيال و اوعي تسمح لاى شخصية تافة انها تحاول تغير مسيرتك المشرفة من شغل للبيت و من بيت للشغل و بالنسبة لو حد كلمك في سياسة بين قوسين استغفر الله العظيم لازم تروح تبلغ الشرطة علي طووول اخيرااا هكلمك في نقطة اخيرة ارجوووك و اناشدك ان تلتزم بالصمت القاتل يعنى افرض انك شفت رايسك بيسرق اوعى تقول لاي مسئول او تبلغ الرقابة لان اصلا نااس دوول مش هيعملواا حاجة و ثانيا الشطارة تقوول  انك يا تسرق زيه تحت شعار السرقة للجميع  او تسكت خالص و تقول انك نفسك تروح الجنة و بالتالي مش هتمد ايدك و متنساش لو صادفت و لقيت اى حد بيشتغل بالضمير عليك انك تنصحه بانه يبيع ضميره او يركنه علي جنب ..............و مفيش مشكلة لو سافر برة لان الضمير و كفاءة مش هياكلوا عيش سادساااا بص بقي انت اصلا خبرة يعنى مش هوصيك اوعى تدور علي حقك و انا بهديك حبة ارشادات بسيطة مش اكتر هتنورلك طريقك باذن لله .............و انت كفيل لوحدك انك تصنع مش مجرد ديكتاتور واحد لا استغفر الله العظيم  دة انت تاريخيك مليان يا راجل  و متنساش التطرف ثم التطرف دة بردوا هيساعدك اوعي تتجمع مع حد عليكم بالفرقة ثم الفرقة ................و ربنا بنورلكوا طريقوا يا رب